ԴԵՍՊԱՆ ԱՐՏԱԿ ԱՊԻՏՈՆՅԱՆԻ ՀԱՆԴԻՊՈՒՄԸ ՖԻՆԼԱՆԴԻԱՅԻ ԽՈՐՀՐԴԱՐԱՆԻ ԽՈՍՆԱԿ ՊԱՈՒԼԱ ՌԻՍԻԿՈՅԻ ՀԵՏ

30 մայիսի, 2018

   Ս․թ․ մայիսի 30-ին Շվեդիայում և Ֆինլանդիայում ՀՀ դեսպան Արտակ Ապիտոնյանը հանդիպեց Ֆինլանդիայի խորհրդարանի խոսնակ Պաուլա Ռիսիկոյի հետ:
     Շնորհավորելով նրան բարձրագույն պաշտոնում ընտրվելու կապակցությամբ, ՀՀ դեսպանը ներկայացրեց հայ-ֆիննական հարաբերությունների ներկա վիճակը և առաջիկա ծրագրերը:
    Զրուցակիցները գոհունակությամբ նշեցին, որ նախորդ տարվա նոյեմբերին ՀՀ ԱԺ արտաքին հարաբերությունների հանձնաժողովի այցը Հելսինկի և այս տարի ապրիլին Ֆինլանդիայի խորհրդարանի ֆինն-հայկական բարեկամության խմբի այցը Երևան, ինչպես նաև Թբիլիսիում երկու երկրների նախագահների հանդիպումը, նոր լիցք են հաղորդել երկկողմ քաղաքական և խորհրդարանական համագործակցությանը:
Երկուստեք կարևորվեց հայ-ֆիննական բարձրաստիճան երկխոսության դինամիկայի պահպանումը, այդ թվում նաև խորհրդարանական փոխանակումների մակարդակով:
    Դեսպանը ներկայացրեց Հայաստանի ներքաղաքական փոփոխությունները, նոր կառավարության ձևավորումը և նրա արտաքին քաղաքական առաջնայնությունները:
   Դեսպան Ապիտոնյանը նաև կարևորեց Ֆինլանդիայի աջակցությունը ՀՀ-ԵՄ հարաբերությունների զարգացման գործում:

Երկուստեք կարևորվեց Հայաստանի և ԵՄ-ի միջև ստորագրված Համապարփակ և ընդլայնված գործընկերության համաձայնագրի` կարճ ժամկետներում վավերացումը Ֆինլանդիայի խորհրդարանի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր