Երկկողմ հարաբերություններ

Ընդհանուր տեղեկություններ

Նորվեգիայի Թագավորության և Հայաստանի Հանրապետության միջև դիվանագիտական հարաբերությունները հաստատվել են 1992թ. հունիսի 5-ին:

2024թ. մարտի 14-ին Նորվեգիայում Հայաստանի արտակարգ և լիազոր դեսպան Աննա Աղաջանյանն (նստավայրը՝ Ստոկհոլմ) իր հավատարմագրերն է հանձնել Նորվեգիայի թագաժառանգ-ռեգենտ Հաակոնին։

2024թ. հունվարի 23-ին Հայաստանի Հանրապետությունում Նորվեգիայի Թագավորության նորանշանակ դեսպան Բերգլյոտ Հովլանդը (նստավայրը՝ Թբիլիսի) իր հավատարմագրերն է հանձնել ՀՀ նախագահ Վահագն Խաչատուրյանին:

2001թ. ապրիլին Թիմոթի Դեյվիդ Սթրայթը նշանակվել է Հայաստանում Նորվեգիայի Թագավորության պատվավոր հյուպատոս:

Այցեր

Հայաստան

2022թ. հոկտեմբեր	Աննիկեն Հյութֆիլդտ, ԱԳ նախարար
2011թ. նոյեմբեր	Յոնաս Գահր Շտյորե, ԱԳ նախարար
2005թ. հունիս	Յորգեն Կոսմո, խորհրդարանի նախագահ
2004թ. սեպտեմբեր	Յան Պետերսեն, ԱԳ նախարար
2003թ. նոյեմբեր	Կիմ Տրովիկ, ԱԳՆ պետքարտուղար
1999թ. սեպտեմբեր	Կնուտ Վոլեբեկ, ԱԳ նախարար

Նորվեգիա

2025թ. փետրվար	Արարատ Միրզոյան, ԱԳ նախարար
2010թ. հունվար	Էդվարդ Նալբանդյան, ԱԳ նախարար
2000թ. հոկտեմբեր	Վարդան Օսկանյան, ԱԳ նախարար

Իրավապայմանագրային դաշտ

Արձանագրություն Հայաստանի Հանրապետության և Նորվեգիայի Թագավորության միջև դիվանագիտական հարաբերությունների հաստատման մասին։

Համաձայնագրեր

Համաձայնագիր ՀՀ կառավարության և Նորվեգիայի Թագավորության կառավարության միջև դիվանագիտական անձնագրեր ունեցող անձանց մուտքի արտոնագիր ստանալու պահանջի վերացման մասին։
Համաձայնագիր Հայաստանի Հանրապետության կառավարության և Նորվեգիայի Թագավորության կառավարության միջև առանց թույլտվության գտնվող անձանց հետընդունման մասին։
Համաձայնագիր Հայաստանի Հանրապետության կառավարության և Նորվեգիայի Թագավորության կառավարության միջև օդային հաղորդակցությունների մասին։

Փոխըմբռնման հուշագիր

Հուշագիր ՀՀ արտաքին գործերի նախարարության և Նորվեգիայի Թագավորության արտաքին գործերի նախարարության միջև քաղաքական խորհրդակցությունների անցկացման մասին։

Երկկողմ առևտրաշրջանառություն

Հայաստանի և Նորվեգիայի միջև ապրանքաշրջանառության ծավալները /հազար ԱՄՆ դոլար/

	արտահանում	ներմուծում (ըստ ծագման երկրի)
2021	6.7	2792․2
2022	7.4	4963.9
2023	11.7	5504.8
2024	30.3	8426.9
2025	8.8	7865.6

Թարմացված է՝ 27.04.2026թ.

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր