ՄՇԱԿՈՒԹԱՅԻՆ ԳԻՇԵՐ ՍՏՈԿՀՈԼՄՈՒՄ ՀՀ ԴԵՍՊԱՆՈՒԹՅՈՒՆՈՒՄ

28 ապրիլի, 2018

Շվեդիայում ՀՀ դեսպանությունը մասնակցեց Ստոկհոլմի ամենամյա «Մշակութային գիշեր» միջոցառմանը։
Միջոցառման շրջանակներում կազմակերպվել էր Երևանի 2800-ամյակին նվիրված լուսանկարչական ցուցահանդես: Երևանի պատմության թանգարանի հետ համագործակցությամբ տրամադրված մի քանի տասնյակ ցուցանմուշները լուսաբանում էին Երևանի պատմությունը հնագույն օրերից մինչև մեր ժամանակները։
Միջոցառման ընթացքում տեղի ունեցավ նաև «Հռոմից ավելի հին մայրաքաղաք» և «Հայաստան. Նոյի երկիրը» վավերագրական ֆիլմերի մի քանի ցուցադրություն:
Շվեդահայ կազմակերպությունների համադրող կենտրոնը կազմակերպել էր Հայաստանին և հայությանը նվիրված շվեդերենով հրատարակությունների վաճառք:
Մինչև կեսգիշեր տևած միջոցառման ընթացքում մոտ 1500 այցելուները դեսպանությունում հնարավորություն ունեցան քննարկել Երևանի և Հայաստանի պատմության և ներկայի վերաբերյալ իրենց հուզող հարցերը, ծանոթանալ դեպի Հայաստան զբոսաշրջային փաթեթների, համտեսել հայկական ուտեստեղեն և խմիչքներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր