Արցախյան շարժման և Սումգայիթի ջարդերի 30-ամյակին նվիրված միջոցառումներ

26 փետրվարի, 2018

Փետրվարի 25-ին Սկանդինավյան երկրներում գործող միակ հայապատկան Սուրբ Մարիամ Աստվածածին եկեղեցու բակում տեղադրված խաչքարի մոտ տեղի ունեցավ ծաղկեպսակների զետեղում՝ նվիրված 30 տարի առաջ Սումգայիթում տեղի ունեցած հայկական ջարդերի ժամանակ զոհվածների հիշատակին։ Եկեղեցու հոգևոր հայրերի կողմից կատարվեց հոգեհանգստյան կարգ։

Նույն երեկոյան, եկեղեցուն կից գործող սրահում տեղի ունեցավ Արցախյան զարթոնքին և Սումգայիթյան ջարդերին նվիրված քաղաքական ձեռնարկ։

Ելույթներով հանդես եկան Շվեդիայում ՀՀ դեսպան Արտակ Ապիտոնյանը, համայնքային կառույցների ներկայացուցիչներ։

Իր ելույթում ՀՀ դեսպանն անդրադարձավ Արցախյան շարժմանն ու դրա ակունքներին, ասաց, որ շարժումը դարձավ անկախ հայրենիքի կերտման սկիզբը։ Նա նշեց, որ Սումգայիթը փորձ էր վախեցնելու հայությանը՝ կասեցնելու Արցախի հետ Հայաստանի միավորման արդար պահանջը։

Միջոցառման ժամանակ ներկաները դիտեցին նաև փաստավավերագրական ֆիլմ՝ նվիրված Արցախյան հերոսամարտին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր