ՀՀ ԱԺ Արտաքին հարաբերությունների մշտական հանձնաժողովի այցը Ստոկհոլմ և Հելսինկի

24 նոյեմբերի, 2017

Ս.թ. նոյեմբերի 14- 17-ը կայացավ ՀՀ ԱԺ Արտաքին հարաբերությունների մշտական հանձնաժողովի պատվիրակության այցը Շվեդիա և Ֆինլանդիա։ Պատվիրակության կազմում էր հանձնաժողովի նախագահ Արմեն Աշոտյանը և «Ելք» խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանը։

Շվեդիա այցի ընթացքում պատվիրակությունը հանդիպել է Ռիկսդագի երկրորդ խոսնակ Բյորն Սյոդերին և երրորդ խոսնակ Իզաբել Դինգիզյանին, ԵՄ և առևտրի հարցերով պետքարտուղար Օսկար Ստենստրյոմին, Ռիկսդագի շվեդա-հայկական բարեկամության խմբին։ Կայացել է Ռիկսդագի արտաքին հարաբերությունների և ՀՀ ԱԺ Արտաքին հարաբերությունների մշտական հանձնաժողովների համատեղ նիստ, որի ավարտից հետո ՀՀ պատվիրակությունը առանձնազրույց է ունեցել Ռիկսդագի ԵՄ հարցերով հանձնաժողովի հետ։

ՀՀ պատվիրակությունը Ֆինլանդիայում հանդիպել է ԱԳՆ պետքարտուղար Պետեր Ստենլունդի, Ֆինլանդիայի խորհրդարանի արտաքին հարաբերությունների հանձնաժողովի, ֆինն-հայկական բարեկամության խմբի անդամների հետ։

Այցի ընթացքում քննարկվել են երկկողմ հարաբերությունների օրակարգը տարբեր ոլորտներում աշխուժացնելու և ԵՄ-Հայաստան գործընկերության հետագա զարգացմանը վերաբերող հարցեր։ Հայ խորհրդարանակնները ներկայացրել են իրենց դիրքորոշումը տարածաշրջանային անվտանգության, Արցախի հիմնահարցի խաղաղ կարգավորման և հայ-թուրքական հարաբերությունների վերջին զարգացումների, Հայաստանում սահմանադրական բարեփոխումների ընթացքի, ինչպես նաև հայկական կողմի ակնկալիքները Հայաստան-ԵՄ հարաբերությունների հետագա զարգացման վերաբերյալ։

Այցելության ժամանակ ՀՀ պագամավորները առանձին հանդիպումներ են ունեցել Շվեդիայի և Ֆինլանդիայի խորհրդարաններում ներկայացված և եվրոպական ԵԺԿ-ի ու ALDE-ի անդամ հանդիսացող իրենց քույր կուսակցությունների ներկայացուցիչների հետ։ Քննարկվել են կուսակցությունների միջև, ինչպես նաև միջազգային կառույցներում համագործակցության հարցեր։

Արմեն Աշոտյանը շվեդական «Jarl Hjalmarson Foundation» հիմնադրամում հանդես է եկել "Հայաստանի արտաքին քաղաքականության մարտահրավերներն ու հնարավորությունները" թեմայով բանախոսությամբ։

ՀՀ խորհրդարանական պատվիրակության անդամները Հելսինկիի Ալեքսանտերի ինստիտուտում մասնակցել են "Armenia and South Caucasus: Bridge or Border" թեմայով քննարկումների։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր