Սկանդինավյան միջազգային երրորդ կինոփառատոն

26 հոկտեմբերի, 2017

Ս․թ․ հոկտեմբերի 25-ին Հելսինկիում կայացավ Սկանդինավյան միջազգային երրորդ կինոփառատոնի (Scandinavian International Film Festival) պաշտոնական բացման և պարգևատրման հանդիսավոր արարողությունը:

«Լավագույն գեղարվեստական կինոնկար» անվանակարգում գլխավոր մրցանակը շնորհվեց Ջիվան Ավետիսյանի «Վերջին բնակիչը» ֆիլմին։ Հայ-լիտվական համատեղ արտադրության այս ֆիլմը պատմում է արցախյան հակամարտության առաջին տարիներին Գյուրջևան հայաբնակ գյուղի տեղահանման մասին։

Ֆիլմի գլխավոր դերակատար Ալեքսանդր Խաչատրյանը ստացավ «Լավագույն դերասան» մրցանակը։

Ֆիլմը ցուցադրվելու է նաև հոկտեմբերի 28-ին՝ փառատոնի պաշտոնական փակման արարողությանը։

«Վերջին բնակիչը» ֆիլմի սկանդինավյան պրեմիերան կայացել է մայիս-հունիս ամիսներին Հելսինկիում, Ստոկհոլմում և Ուպսալայում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր