Ջիվան Ավետիսյանի «Վերջին բնակիչը» ֆիլմի ցուցադրությունները Ստոկհոլմում և Հելսինկիում

05 հունիսի, 2017

Այս շաբաթ Շվեդիայում և Ֆինլանդիայում կայացան արցախյան հակամարտության մասին պատմող «Վերջին բնակիչը» ֆիլմի ցուցադրությունները:

Հունիսի 2-ին ֆիլմի շվեդական պրեմիերան տեղի ունեցավ Ստոկհոլմի Կինոտանը` ՀՀ դեսպանության և «Համազգային Շվեդիա» մշակութային միության համատեղ կազմակերպությամբ: Ցուցադրությունը ներկա էին դեսպաններ և պատգամավորներ, մշակութային և հասարակական գործիչներ, դիվանագետներ, մամուլի ներկայացուցիչներ, շվեդահայ համայնքի անդամներ:

«Համազգային Շվեդիա» միության ատենապետուհի Մելինե Մանսուրյանը ներկայացրեց ֆիլմի բեմադրիչ Ջիվան Ավետիսյանին և նրա ստեղծագործական գործունեությունը:Շվեդիայում ՀՀ դեսպան Արտակ Ապիտոնյանը ֆիլմի ցուցադրումից հետո իր ելույթում կարևորեց Արցախյան հակամարտության մասին ճշմարտության ներկայացումը միջազգային ասպարեզում նաև գեղարվեստական միջոցներով: Նա նաև շեշտեց Ջիվան Ավետիսյան բեմադրիչի ունակությունը` ցուցադրելու նույնիսկ ամենածանր պատերազմական իրավիճակներում մարդկայինը պահպանելու հրամայականը: Դեսպանը նաև դրվատանքի խոսքեր հղեց շվեդական «Apricote Stone» կինոստուդիային` ֆիլմի ստեղծմանն իր մասնակցության համար:

Վերջում բեմադրիչ Ջիվան Ավետիսյանը պատասխանեց ներկաների բազմաթիվ հարցերի։

Հունիսի 30-ին Հելսնիկիում ֆիլմի ցուցադրությունը կազմակերպվել էր ՀՀ դեսպանության և «Ֆինլանդիա-Հայաստան» միության համատեղ ջանքերով` K-19 կինոթատրոնում: Ցուցադրությունը նույնպես ունեցավ մեծ հաջողություն, իսկ ավարտից հետո ներկաները հայկական գինու բաժակի շուրջ հնարավորություն ունեցան իրենց հուզող հարցերն ուղղել բեմադրիչ Ջիվան Ավետիսյանին:

Ֆիլմի հաջորդ ցուցադրությունը կայացավ հունիսի 4-ին Շվեդիայի ՈՒպսալա քաղաքում` Շվեդիայի հնագույն կինոթատրոններից մեկում` պատմական Սլոտսբիոգրաֆենում: Այն կրկին կազմակերպվել է ՀՀ դեսպանության և «Համազգային Շվեդիա» միության համատեղ ջանքերով:

Ջիվան Ավետիսյանի` Գյուրջևան գյուղի հայաթափման մասին պատմող «Վերջին բնակիչը» ֆիլմը հայ-լիտվական համատեղ արտադրություն է, որին աջակցել են նաև շվեդական, ամերիկյան և լիբանանյան ընկերություններ: Ֆիլմը ներկայացվել էր «Ոսկո գլոբուսի» մրցանակաբաշխության, ինչպես նաև վերջերս ընդգրկվել է Շանհայի միջազգային կինոփառատոնի պաշտոնական ծրագրում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր