Վիննետ Հայաստանը որպես մոդել Արևելյան գործընկերության տարածաշրջանում - Շվեդիայում Հայաստանի Հանրապետության դեսպանություն

Շվեդիայում Հայաստանի Հանրապետության դեսպանություն

Վիննետ Հայաստանը որպես մոդել Արևելյան գործընկերության տարածաշրջանում

06 հոկտեմբերի, 2016

Շվեդիայի միջազգային զարգացման գործակալությունում (Sida) վերջինիս, ՀՀ դեսպանության և Վիննետ Շվեդիա կազակերպության հետ համագործակցությամբ տեղի ունեցավ քննարկում «Վիննետ մոդելն ընդլայնվում է դեպի արևելք. Արևելյան Եվրոպայում սեռային հավասարության և կանանց տնտեսական ակտիվության խթանման տարածաշրջանային համագործակցության նախաձեռնություններ» խորագրով։

Միջոցառմանը մասնակցում էին և ելույթով հանդես եկան Շվեդիայում ՀՀ դեսպան Արտակ Ապիտոնյանը, Շվեդիայի միջազգային զարգացման գործակալության գլխավոր տնօրենի տեղակալ Էլզա Հոստադը, Վիննետ Շվեդիա կազակերպության ղեկավար Բրիտ-Մարի Տորստենսոնը։ Մասնակցում էին ներկայացուցիչներ Շվեդիայի ԱԳՆ-ից և Շվեդական ինստիտուտից, ինչպես նաև Շվեդիայում հավատարմագրված Արևելյան գործընկերության երկրների դիվանագիտական ներկայացուցչությունների ղեկավարներ և դիվանագետներ:

Միջոցառումը կրում էր տեղեկատվական բնույթ։ Նպատակն էր Շվեդիայում հավատարմագրված Արևելյան գործընկերության երկրների դեսպանություններին ներկայացնել կանանց ռեսուրսային կենտրոնների Վիննետ մոդելը, մասնավորապես Վիննետ Հայաստան կազմակերպության գործունեությունը և ձեռքբերումները։ Կարևորվեց Վիննետ Հայաստան կազմակերպության փորձի փոխանակումը Արևելյան գործընկերության երկրներում որպես կանաց ռեսուրսային կենտրոնների լավագույն մոդել։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր