Դեսպան Ապիտոնյանի հանդիպումը Շվեդիայի խորհրդարանի խոսնակի հետ

30 հոկտեմբերի, 2014

Հոկտեմբերի 29-ին Շվեդիայի խորհրդարանի` Ռիկսդագի նորընտիր խոսնակ Ուրբան Ահլինն ընդունեց Շվեդիայում ՀՀ դեսպան Արտակ Ապիտոնյանին։

Շնորհավորելով Ուրբան Ահլինին` պատասխանատու պաշտոնը ստանձնելու կապակցությամբ` դեսպան Ապիտոնյանը նրան փոխանցեց ՀՀ Ազգային Ժողովի նախագահի շնորհավորական նամակն ու Հայաստան այցելելու հրավերը։

Հանդիպման ընթացքում քննարկվեցին հայ-շվեդական հարաբերությունների օրակարգային հարցերը, կարևորվեց երկու երկրների խորհրդարանների և քաղաքական ուժերի միջև համագործակցության ընդլայնումը։

Դեսպանը վերահաստատեց ՀՀ կառավարության պատրաստակամությունը Եվրոպական միության և անդամ երկրների հետ հարաբերությունների խորացման ուղղությամբ, ինչպես նաև աներկբա հանձնառությունը` շարունակելու համակարգային բարեփոխումները ժողովրդավարության, մարդու իրավունքների պաշտպանության և պետական արդյունավետ կառավարման ոլորտներում։ Երկուստեք կարևորվեց Հայաստանի և Եվրոպական միության միջև հարաբերությունները կարգավորող նոր իրավական հիմքի մշակումը։

Խորհրդարանի խոսնակի խնդրանքով դեսպանը ներկայացրեց ԼՂ հակամարտության կարգավորման ուղղությամբ Հայաստանի և ԵԱՀԿ Մինսկի խմբի համանախագահների ջանքերը, տարածաշրջանային այլ հարցեր։

Link to Article:
http://mfa.am/hy/press-releases/item/2014/10/30/sweden_parliament/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր