Համերգ և ընդունելություն Հայաստանի Հանրապետության անկախության 34-րդ տարեդարձի կապակցությամբ Ստոկհոլմի Ազնվականների տանը

17 սեպտեմբերի, 2025

Սեպտեմբերի 17-ին Ստոկհոլմի Ազնվականների տանը տեղի ունեցավ համերգ և ընդունելություն Հայաստանի Հանրապետության անկախության 34-րդ տարեդարձի կապակցությամբ:

Ելույթներով հանդես եկան դեսպան Աննա Աղաջանյանը և Շվեդիայի ԱԳՆ պետքարտուղար Դագ Հարթելիուսը։

Միջոցառմանը ներկա էին Ռիկսդագի փոխխոսնակ Շերստին Լունդգրենը և Ռիկսդագի պատգամավորներ, Ստոկհոլմի փոխքաղաքապետ Սառա Ստենլունդը, Շվեդիայի ԱԳՆ բարձրաստիճան պաշոնյաներ, Ստոկհոլմում հավատարմագրված դիվանագիտական առաքելությունների ղեկավարներ, հասարակական և միջազգային կազմակերպությունների, համայնքային կառույցների ներկայացուցիչներ։

Համերգի ընթացքում ելույթներով հանդես եկան «Լույս/Valo» խումբը Ֆինլանդիայից, երաժիշտ Հայկ Հակոբյանը Ստոկհոլմից և Հայարփի Դրմեյանը Հայաստանի դեսպանությունից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր