Սումգայիթյան զոհերի հիշատակին նվիրված միջոցառում Դանիայում

10 մարտի, 2018

Մարտի 10-ին Կոպենհագենի Սուրբ Անդրեաս եկեղեցում տեղի ունեցած Արևագալի ժամերգությունից հետո Դանիայում Հայաստանի դեսպանության նախաձեռնությամբ կատարվել է հոգեհանգստյան կարգ` ի հիշատակ Սումգայիթյան անմեղ զոհերի:

Արարողությանը հաջորդել է դեսպան Ալեքսանդր Արզումանյանի ելույթը: Անդրադառնալով Խորհրդային Ադրբեջանի Սումգայիթ քաղաքում ադրբեջանական իշխանությունների կողմից կազմակերպված հայերի զանգվածային տեղահանությանն ու ջարդերին` դեսպանը նշել է, որ այդ իրադարձությունները հայ ժողովրդին հիշեցրեցին 20-րդ դարասկզբին տեղի ունեցած հայոց ցեղասպանությունը: Դեսպանն ընդգծել է, որ հայոց պատմության այդ ողբերգալի էջերը աշխարհասփյուռ հայերին առավել միասնական եւ գործուն պետք է դարձնեն հզոր եւ ամուր հայրենիք կերտելու ճանապարհին, որպեսզի հետագայում կանխվեն նման ոտնձգությունները հայ ժողովրդի նկատմամբ:

Միջոցառմանը ելույթ է ունեցել նաեւ Տեր Ստեփանոս Հովհաննիսյանը, ով խոսել է օրվա հոգեւոր խորհրդի եւ հայ ժողովրդի` քրիստոնեական հավատքին հավատարիմ եւ արժանի մնալու մասին:

Արարողությանը մասնակցում էին Դանիայի հայ համայնքի ներկայացուցիչները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր