ՀՀ դեսպանի հանդիպումը Ուպսալայի նահանգապետի հետ։

26 հունիսի, 2017

Հունիսի 26-ին Շվեդիայում ՀՀ դեսպան Արտակ Ապիտոնյանը այցելեց Ուպսալա քաղաք և հանդիպեց նորանշանակ նահանգապետ Յորան Էնանդերի (Göran Enander) հետ։

Զրույցի ընթացքում մտքեր փոխանակվեցին հայ-շվեդական հարաբերությունների օրակարգային հարցերի և երկկողմ կապերի սերտացման վերաբերյալ։ Մանրամասն քննարկվեցին համագործակցության ուղղությունները և նախանշվեցին երկուստեք հետաքրքրություն ներկայացնող ոլորտներն, այն է՝ հանքարդյունաբերություն, բնապահպանություն, առողջապահություն, էներգետիկա։

Պարոն Էնանդերի խնդրանքով դեսպանը Ապիտոնյանը ներկայացրեց Հայաստանի տեսակետները տարածաշրջանային վերջին զարգացումների վերաբերյալ, Հայաստան-ԵՄ հարաբերությունները։

ՀՀ դեսպանը և նահանգապետն անդրադարձան Ուպսալայի ու Հայաստանի Լոռու մարզերի միջև ապակենտրոնացված համագործակցության ձևավորման պատմությանը, ՀՀ Լոռու մարզպետի և առողջապահության նախարարի Ուպսալա այցերի ժամանակ ձեռք բերված պայմանավորվածությունների կատարման ընթացքին։

Երկկողմ հարաբերությունների հետագա սերտացման նպատակով պայմանավորվածություն ձեռք բերվեց կազմակերպել աշխատանքային խմբերի փոխայցեր, ինչպես նաև նահանգապետ Էնանդերի այցը Հայաստան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր