«Խոստումը» ֆիլմի պրեմիերան Ստոկհոլմում

11 մայիսի, 2017

Ս.թ. մայիսի 9-ին Ստոկհոլմի պատմական «Գրանդ» կինոթատրոնի լեփ լեցուն գլխավոր դահլիճում տեղի ունեցավ «Խոստումը» ֆիլմի անդրանիկ ցուցադրությունը, որը կազմակերպվել էր Շվեդիայում ՀՀ դեսպանության կողմից։ Պրեմիերային ներկա էին մի քանի տասնյակ դեսպաններ եւ պատգամավորներ, բազմաթիվ հասարակական-քաղաքական գործիչներ, դիվանագետներ, մտավորականներ, ցեղասպանագետներ, Շվեդիայի հայկական, ասորական և քրդական համայնքային կառույցների ներկայացուցիչներ։

Ֆիլմի ցուցադրումից առաջ ելույթ ունեցավ շվեդ հայտնի կինոռեժիսոր Պեո Հոլմքվիստը, որի «Վերադարձ դեպի Արարատ» վավերագրական ֆիլմը 1989թ. արժանացել էր Շվեդիայի կինոակադեմիայի բարձրագույն՝ Գյուլդբագե մրցանակի։

Ցուցադրությունից հետո ՀՀ դեսպանությունում տեղի ունեցավ ընդունելություն։ ՀՀ դեսպան Արտակ Ապիտոնյանն շնորհակալություն հայտնեց շվեդ այն քաղաքական գործիչներին, գիտնականներին և մամուլի ներկայացուցիչներին, որոնք տասնամյակներ շարունակ իրենց անուրանալի ավանդն են ներդրել Շվեդիայում Հայոց Ցեղասպանության ճանաչման և շվեդ հանրությանն իրազեկման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր