Դասախոսություն Ումեոյի համալսարանում

05 ապրիլի, 2017

Ս.թ. ապրիլի 3-ին դեսպան Արտակ Ապիտոնյանը Շվեդիայի Ումեոյի համալսարանում հանդես եկավ Հայաստանի մասին ամփոփ դասախոսությամբ, որը կազմակերպել էր համալսարանի Միջազգային Հարաբերությունների Ասոցիացիան։

ՀՀ դեսպանը ներկայացրեց հայոց պատմության հիմնարար իրադարձությունները, մանրամասն կանգ առավ Հայաստանի Հանրապետության արդի հիմնախնդիրների, երկրի սահմանադրական զարգացման փուլերի եւ խորհրդարանական վերջին ընտրությունների վրա, ընդհանուր տեղեկություններ տվեց Հայաստանի տնտեսության և հայ մշակույթի վերաբերյալ։ Դեսպանը անդրադարձավ Արցախի Հանրապետության ինքնորոշման և հակամարտության խաղաղ կարգավորմանն առնչվող հարցերին, ներկայացրեց Հայոց ցեղասպանության միջազգային ճանաչման գործընթացը։

Դեսպանն իր գոհունակությունը հայտնեց, որ Ումեոյի համալսարանի ուսանողական խորհուրդը առաջիկա ամսվա ընթացքում ծրագրում է ուսանողների խմբի այցելություն Հայաստան՝ մի շարք երկրներից նախապատվությունը տալով վերջինիս։

Դասախոսության վերջում դեսպանը պատասխանեց ուսանողների հարցերին և վերջիններիս հետաքրքրող թեմաների վերաբերյալ տրամադրեց լրացուցիչ տեղեկատվություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր