ՀՀ արդարադատության նախարարության պատվիրակությունը Շվեդիայում

17 հունիսի, 2016

Հունիսի 13-17-ը Շվեդիայում էր ՀՀ արդարադատության փոխնախարար Սուրեն Քրմոյանի պատվիրակությունը արդարադատության ոլորտում համագործակցության հեռանկարները քննարկելու նպատակով։

Հունիսի 16-ին փոխնախարար Քրմոյանի և Շվեդիայի արդարադատության և միգրացիայի նախարար Մորգան Յոհանսոնի հանդիպման ժամանակ քննարկվեցին բանտային համակարգի բարելավման, կոռուպցիայի դեմ պայքարի, տեղեկատվության ազատության, անհատական տվյալների պաշտպանության, էլեկտրոնային կառավարման համակարգերի ներդրման, հանցագործության զոհերի պաշտպանության և այլ ոլորտներում համագործակցության ծրագրերը և հեռանկարները։

Փոխնախարար Քրմոյանը հանդիպեց նաև Շվեդիայի դատախազության կոռուպցիայի դեմ պայքարի վարչության պետ Քիմ Էնդրյուսի, Հանցագործության զոհերի փոխհատուցման և աջակցության ծառայության պետ Անիկա Օստերի և Քրեակատարողական վարչության պետ Նիլս Օբերգի հետ, որոնց հետ նույնպես քննարկվեցին միջգերատեսչական համագործակցության ծրագրերը։

Պատվիրակությունը մասնակցեց նաև Եվրոպայի Խորհրդի աջակցությամբ «Առողջապահության և մարդու իրավունքների պաշտպանության ամրապնդումը Հայաստանի բանտերում» ծրագրի շրջանակներում Շվեդիայի արդարադատության ոլորտի մի շարք այլ հաստատությունների հետ կազմակերպված հանդիպումներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր