Շվեդիայում ավելացել է հայկական կիրակնօրյա դպրոցների թիվը. Արտակ Ապիտոնյան

04 հունիսի, 2016

Վերջին տարիներին Շվեդիայի հայ համայնքում ակտիվություն է նկատվում երիտասարդների շրջանում: Այս հանգամանքը Շվեդիայի Թագավորությունում ՀՀ արտակարգ եւ լիազոր դեսպան Արտակ Ապիտոնյանը կապում է հայերի հոսքի մեծացման հետ: Մեծանում է համայնքը, մեծանում են նաև համայնքային կառույցները: Դեսպանի խոսքով` միայն վերջերս 4 նոր կիրակնօրյա դպրոց է հիմնվել Շվեդիայում: Այս մասին, ըստ <Հայերն այսօր>-ի Արտակ Ապիտոնյանն ասել է Շվեդիայի հայ համայնքի ներկայացուցիչների հետ ՀՀ սփյուռքի նախարարության այսօր կազմակերպած հեռակոնֆերանսի ընթացքում:

<Կարող եմ ասել, որ երիտասարդությունը սկսել է համախմբվել դեսպանության շուրջ: Այս պահին մենք կազմակերպչական աշխատանքներ ենք տանում սեպտեմբերին Հայաստանից ՏՏ մասնագետների այցի կապակցությամբ, ինչպես նաև ինժեներական մասնագիտություն ունեցող մարդկանց հավաքելու փորձ է արվում>,- ասաց Շվեդիայում ՀՀ դեսպանը:

ՀՀ սփյուռքի նախարար Հրանուշ Հակոբյանի խոսքով` քանի որ Շվեդիայում արդեն գործում են 9 հայկական դպրոցներ, ժամանակն է, որ դրանք համախմբվեն դպրոցական մեկ խորհուրդի մեջ, որպեսզի ժամանակ առ ժամանակ պատասխանատուները հավաքվեն` միասին քննարկելու խնդիրներն ու անելիքները: Իսկ դպրոցների ղեկավարներին Հրանուշ Հակոբյանը հորդորեց լեզվին զուգահեռ երեխաներին սովորեցնել նաև հայկական երգն ու պարը, որպեսզի նրանք առավել մեծ սիրով ու ոգևորությամբ հաճախեն դասերին:

Հոդվածի բնօրինակը այստեղ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր