Դեսպան Ապիտոնյանի հանդիպումը Ֆինլանդիայի խորհրդարանի խոսնակ Էէրո Հեյնյալուոմայի հեդ

19 փետրվարի, 2015

Փետրվարի 19-ին տեղի ունեցավ Շվեդիայում և Ֆինլանդիայում ՀՀ դեսպան Արտակ Ապիտոնյանի հանդիպումը Ֆինլանդիայի խորհրդարանի խոսնակ Էէրո Հեյնյալուոմայի հետ։

Հանդիպման ընթացքում քննարկվեցին հայ-ֆիննական հարաբերությունների օրակարգային հարցերը, կարևորվեց երկու երկրների քաղաքական շրջանակների և խորհրդարանների միջև համագործակցության ընդլայնումը։

Դեսպանը վերահաստատեց ՀՀ կառավարության պատրաստակամությունը Եվրոպական Միության և անդամ երկրների հետ հարաբերությունների խորացման ուղղությամբ։ Երկուստեք ընդգծվեց Հայաստանի և Եվրոպական Միության միջև նոր իրավական գործիքի մշակման և ստորագրման կարևորությունը։

Բարձր գնահատելով արցախյան հակամարտության խաղաղ կարգավորմանը սատարելու ուղղությամբ Ֆինլանդիայի գործադրած ջանքերը՝ դեսպանը ներկայացրեց հակամարտության կարգավորման շուրջ վերջին զարգացումները: Զրուցակիցները կարևորեցին հակամարտության կողմերի ստանձնած միջազգային պարտավորությունների և մասնավորապես խնդրի բացառապես խաղաղ կարգավորման պարտավորության անվերապահ կատարումը:

Դեսպան Ապիտոնյանը Էէրո Հեյնյալուոմային տեղեկացրեց Հայոց ցեղասպանության 100-րդ տարելիցի հիշատակին նվիրված առաջիկա միջոցառումների մասին և փոխանցեց Երևանում կայանալիք “Ընդդեմ ցեղասպանության հանցագործության” գլոբալ ֆորումին մասնակցության հրավերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր