ՇՆՈՐՀԱԿԱԼԱԳԻՐ

30 սեպտեմբերի, 2015

Սիրելի հայրենակիցներ,

Ինչպես տեղյակ եք, Հայոց ցեղասպանության 100-րդ տարելիցին նվիրված միջոցառումների պատշաճ կազմակերպման և անցկացման գործում ներդրած ավանդի համար Շվեդիայի հանձնախումբը պարգևատրվել է ՀՀ Նախագահի շնորհակալագրով։

Օգտվելով առիթից՝ ցանկանում եմ վերստին իմ խորին երախտագիտությունը հայտնել հանձնախմբի անդամներին, ինչպես նաև հայ համայնքի բոլոր այն ներկայացուցիչներին, ովքեր իրենց գործունեությամբ և ներդրումով նպաստեցին տարվա ընթացքում Հայոց ցեղասպանության ոգեկոչման միջոցառումների բարձր մակարդակով կազմակերպմանը և իրականացմանը Շվեդիայի բազմաթիվ քաղաքներում։

Կազմակերպված միջոցառումներն իրենց դրական արձագանքը գտան թե´ Շվեդիայի հասարակության լայն շրջանակներում, թե´ շվեդական կենտրոնական և շրջանային մամուլի էջերում, ինչի արդյունքում նրանք ականջալուր դարձան Մեծ Եղեռնի հիշատակի խորհրդին։

Նման ծավալի և մակարդակի միջոցառումների իրականացման կարևոր պայման էր նաև Շվեդիայում հայ համայնքի աննախադեպ միասնականությունը և միահամուռ աշխատանքը։ Վստահ եմ, որ նման միասնականությունը առաջիկայում նույնպես կնպաստի մեր համազգային իղձերի իրականացմանը։

Արտակ Ապիտոնյան
Շվեդիայում ՀՀ դեսպան

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր